Залуу судлаачдын анхааралд
"ХҮРЭЛ ТОГООТ-2019" ЭРДЭМ ШИНЖИЛГЭЭНИЙ ХУРАЛ 9-р сарын 1-нд бүртгүүлэх ёстой юм байна, иймд хүрээлэнгийн залуучуудын семинарыг 2019-08-20 өдөр хийхээр болсон тул 35 наснаас доош эрдэм шинжилгээний ажилчид идэвхитэй оролцоно уу! ДАРААХ 2 ХУРЛЫН ЗАРЫГ ХҮРГЭЖ БАЙНА.
1. “ХҮРЭЛ ТОГООТ-2019” ЭРДЭМ ШИНЖИЛГЭЭНИЙ ХУРАЛ
Монголын Залуу Эрдэмтдийн Холбооны Байгалийн Ухааны Салбарын Залуу Эрдэмтдийн Холбооноос жил бүр БСШУСЯ, ШУА, ШУТС, МЗЭХ-той хамтран байгалийн ухааны салбарын залуу судлаач, багш, эрдэм шинжилгээний ажилтнуудын дунд зохион явуулдаг “Хүрэлтогоот-2019” эрдэм шинжилгээний хурал 2019 оны 10-р сард ООГХ-ийн харъяа одон орон судлах “Оргил төв”-д болох тул та бүхэн идэвхитэй оролцож бүтээлээ доор дурьдсан хугацаанд багтаан илгээнэ үү.
Уг хуралд илтгэл тавин оролцсон залуу судлаачдыг мэдлэг, чадвар, судалгааны ажлын үр дүнгээр нь шалгаруулан 35 хүртэлх насны, докторын зэрэг хамгаалаагүй хоёр залуу судлаачийг БСШУС-ын сайдын залуу судлаачид олгодог 4 сая төгрөгний ГРАНТ-д Байгалийн Ухааны Салбараас дэвшүүлнэ.
Энэхүү бага хуралд оролцох бүтээл буюу эрдэм шинжилгээний өгүүллийг бүрэн эхээр нь 2019 оны 9-р сарын 1-нийг дуустал хүлээн авах тул залуу судлаачид өөрсдийн бүтээлийг дараах тусгай форматын дагуу бэлтгэж зохион байгуулах комисст khureltogoot.nature@gmail.com хаягаар илгээнэ үү.
Форматын дагуу бэлтгэж ирүүлээгүй өгүүллийг шалгаруулалтанд оролцуулахгүй болно.
Уг хурлын талаар дэлгэрэнгүй мэдээллийг мөн дээрхи хаягаар хандаж авна уу. УДИРДАМЖ ТАТАЖ АВАХ
2. Онцгой байдлын ерөнхий газар, Гамшиг судлалын хүрээлэн, Дотоод хэргийн их сургуулийн Онцгой байдлын сургууль, НҮБ-ын Гамшгийн эрсдлийг бууруулах газартай хамтран "Хот суурин газрын гамшгийг тэсвэрлэх чадвар (resilience)-ыг бэхжүүлэх арга зам" сэдэвт олон улсын хурлыг 2019 оны 09 дүгээр сарын 27-ны өдөр зохион байгуулахаар товлосон байна. УДИРДАМЖ ТАТАЖ АВАХ
С.ДЭМБЭРЭЛ: ОДОН ОРНЫ ТҮҮХЭН ХӨГЖЛИЙГ ТУНГААЖ ҮЗВЭЛ БИДНИЙ АМЬДРАЛ ҮЗЭГДЭЭД Л ӨНГӨРЧ БАЙГАА ХЭСЭГ ЮМ
2018-12-26 10:48:30
Шинжлэх ухааны Академийн Их чуулган өнгөрөгч баасан гаригт болж өнгөрсөн юм. Энэ үеэр Академич хэргэмд 14 нэр дэвшигчээс 50 хувь нь буюу долоон хүн академич хэргэм хүртсэн юм. Мөн ШУА-ийн гадаад гишүүнээр БНХАУ-ын нэг, ОХУ-ын хоёр эрдэмтэн сонгогдсон юм.
ШУА-ийн Одон орон, геофизикийн хүрээлэнгийн захирал, геологи, минерологийн шинжлэх ухааны доктор, профессор, академич С.Дэмбэрэлтэй ярилцлаа.
дэлгэрэнгүй
С. Дэмбэрэл Академич хэргэм хүртлээ
Шинжлэх ухааны Академийн Их чуулган болж өнгөрлөө. Академийн гишүүд 97 хувийн ирцтэйгээр чуулгандаа оролцсон бөгөөд 14 нэр дэвшигчээс 50 хувь нь буюу 7 хүн 75 ба түүнээс дээш хувийн саналаар гарч академич хэргэм хүртсэн юм.
Мөн ШУА-ийн гадаад гишүүнээр БНХАУ-ын 1, ОХУ-ын 2 эрдэмтэн сонгогдлоо.
Шинээр академич болсон С. Дэмбэрэлийн товч танилцуулгыг хүргэж байна.
Содномсамбуугийн ДЭМБЭРЭЛ ШУА-ийн Одон орон, геофизикийн хүрээлэнгийн захирал, геологи, минерологийн шинжлэх ухааны доктор, профессор.
Содномсамбуугийн Дэмбэрэл нь 1978-1983 онд ЗХУ-ын (хуучнаар) Иркутск хотын Их сургуулийг хэрэглээний математикч мэргэжлээр төгсөн улмаар эрдэм шинжилгээний дадлагажигч ажилтнаас тэргүүлэгч ажилтан хүртэл тасралтгүй 36 жил ШУА-д ажиллаж байна.
С.Дэмбэрэл нь геологийн болон геофизикийн нарийн түвэгтэй процессийг шинэ техник технологи, судалгааны шинэлэг аргазүйг ашиглан судалж, Дэлхийн физик орны хувьсал болон чулуулаг мандал дахь гүний тогтоц түүний өөрчлөлт, бүс нутгийн геодинамик, нео-геотектоник, газар хөдлөлтийн идэвхжилт, хүчтэй газар хөдлөлтийн чиглэлээрх судалгааны ажлуудыг амжилттай гүйцэтгэж ирсэн. 2003 онд ОХУ-ын Москва хотод физик-математикийн ухааны доктор (Ph.D), 2017 онд ОХУ – ын Иркутск хотын Иркутскийн Үндэсний Судалгааны Техникийн их сургуульд геологи-минералогийн шинжлэх ухааны доктор-(Sc.D)-ын зэргийг тус тус амжилттай хамгаалжээ.
С.Дэмбэрэл нь Монгол орны нутаг дэвсгэр болон Төв Азийн зэргэлдээх бүс нутагт 1964-2017 онд болсон газар хөдлөлтийн мэдээллийг ОХУ-ын ШУА- ийн Сибирийн салбарын Геофизикийн албаны Байгалын болон Алтай-Саяаны станцуудын мэдээллүүдтэй нэгтгэн боловсруулж бүс нутгийн газар хөдлөлтийн идэвхжилтийг судалсан байна.
Монгол орны газар хөдлөлт, чулуулаг мандал дахь хүчдэл хуримтлал, хэв гажилтын төлөв байдлыг Байгалын рифтийн систем дэх геологи, геодинамикийн процесстой уялдуулан судалж гаргаж авсан үр дүнгүүд нь, мөн түүнчлэн «Монгол орны газар хөдлөлтийн голомтын механизмийн зураг», «Монгол орны кайнозойн эриний идэвхтэй хагарлууд ба тэдгээрийн сейсмик потенциал»-ын зургууд нь газар хөдлөл судлалын шинжлэх ухаанд онолын ач холбогдол бүхий бүтээлүүд болжээ.
С.Дэмбэрэл нь «Монгол орны газар хөдлөлтийн ерөнхий мужлалын 1:1 000 000-ын хэмжээст зураг зохиох» шинжлэх ухаан-технологийн төслийг удирдан гүйцэтгэж, 1983 оноос хойш манай улсын барилгын норм дүрмэнд ашиглагдаж байгаа тухайн үед ЗХУ, Монголын эрдэмтдиийн хамтран зохиосон ерөнхий мужлалын зургийг орчин үеийн шаардлагад нийцүүлэн суурь болон магадлалт үнэлгээний арга зүйг ашиглан шинэчлэн боловсруулжээ.
Эрдэм шинжилгээний нийт бүтээлийн тоо нь 144 бөгөөд үүнээс монограф 5 (гадаадад 3, дотоодод 2), эрдэм шинжилгээний өгүүлэл 75 (гадаадад 62, үүнээс импакт фактор бүхий сэтгүүлд 24, дотоодод 13) хэвлүүлжээ.
Тэрээр АНУ болон Азийн геофизик, сейсмологийн чиглэлийн олон улсын 4 байгууллагын гишүүнчлэлтэй юм.
ШУА-ийн Одон орон, геофизикийн хүрээлэнгийн захирал С.Дэмбэрэлтэй ярилцлаа
2018-11-14 16:19:13
Монголын Үндэсний Телевизийн зочны цагаар ШУА-ийн Одон орон, геофизикийн хүрээлэнгийн захирал С.Дэмбэрэлтэй ШУА-ийн хүрээлэнгүүдийн нээлттэй хаалганы өдөр болж байгаа талаар ярилцлаа. /2018.11.13/
Союз -МС-10 хөлгийн ослын буулт
2018-11-07 16:53:32
2018 оны 10-р сарын 11 өдөр Байконурын сансрын буудлаас Союз -МС-10 хөлөг хөөрч 93 км өндөрт хөөрч 51,6° налуугаар ниссэн. Тус хөлгөөр ОХУ-ын Алексей Овчинин, АНУ-ын Ник Хаг нар хөөрч, олон улсын сансрын станцад хүрэх байсан юм. Гэвч пуужинд гэмтэл гарсны улмаас тэд буцаж газардсан билээ. Энэ нислэгээс өмнө 1975-оны 4-р сарын 5- өдөр хөөрсөн Союз-18А багт Анх ийм явдал тохиолдсон юм. Тэр хөлгөөр В.Лазарев, О.Макаров нар нисч 21G хэт ачааллыг авч нислэг 21 минут үргэлжилсэн юм. Харин Союз МС-10 хөлгийн зөөгч пуужингийн эх биед байрлуулсан камерны бичлэгээс юу болсныг тодорхой харж болохоор байна. Казахстаны Байконур буудлаас хөөрсөн пуужинг 93 км өндөрт гарсан хойно уг осол болжээ.
Пуужингийн дөрвөн хурдасгуур эх биеэс нэгэн зэрэг салж, дэлхийд унахдаа шатаж устах ёстой байдаг. Гэтэл хурдасгууруудын нэг нь эх биенээс салахдаа буруу ажиллаж, пуужингийн шатахууны савыг цохисон байна.
Харин энэ үед аюулаас хамгаалах /СОС/систем зөв ажиллаж, сансрын нисэгчдийн байгаа бүхээгийг пуужингаас салган холдуулж, улмаар газардах боломжийг олгожээ.
Үр дүнд нь хоёр нисэгч эсэн мэнд дэлхийд газардсан юм. Хэдийгээр Оросын пуужинд алдаа гарсан ч аюулаас хамгаалах систем нь найдвартай ажилласан.
Роскосмос тайлбарлахдаа хурдасгууруудын нэг нь пуужингийн эх биед ялимгүй хазгай (6 хэм орчим) суурилагдсан нь алдаа гарахад нөлөөлсөн гэж дүгнэсэн байна.
Одоогоор манай дэлхийн бүх сансрын нисэгчид Роскосмосын Союз пуужингаар сансарт нисэж, олон улсын сансрын станцад хүрч байгаа. Америкчууд 2019 оноос өөрсдийн пуужингаар хөөрдөг болохоор төлөвлөөд байгаа юм. Энэ зорилгыг биелүүлэхээр SpaceX, Boeing компаниуд олон туршилт хийж идэвхитэй ажиллаж байна.
ШУА-ийн Одон орон, геофизикийн хүрээлэнгийн эрдэмтэн нарийн бичгийн дарга, доктор Ч.Одонбаатар
2018-10-26 15:36:35
Хүчтэй газар хөдлөлтийн респонс спектр сэдвээр ярилцаж байна...
ШИНЖЛЭХ УХААНЧ МОНГОЛЧУУД НЭВТРҮҮЛЭГ-Одон орон, геофизикийн
СУРАГЧИД ШИНЖЛЭХ УХААНЫ ЕРТӨНЦӨӨР АЯЛАВ
Монгол улсын Шинжлэх ухааны Академиас Нийслэлийн Боловсролын Газартай хамтран ерөнхий боловсролын сургуулиудын дунд 4 дэх жилдээ уламжлалт “Эрдмийн аян” хөтөлбөрөө хэрэгжүүлж байна. “Эрдмийн аян” хөтөлбөрийн хүрээнд өнөөдөр нийслэлийн ЕБС-ийн сурагчид ШУА-ийн Палеонтологи, геологийн хүрээлэнгийн Хүннү молл дахь “Монголын үлэг гүрвэлийн гайхамшиг” үзэсгэлэн, ШУА-ийн Одон орон, геофизикийн хүрээлэнгийн “Сансар од эрхэсийн ордон”-той танилцах тойрон аялал хийлээ.
дэлгэрэнгүй
Эмгэнэл
2018-10-15 14:14:00
ОХУ-ын Сибирийн Салбарын Дэлхийн Царцдасын Хүрээлэнгийн Кайонозойн судалгааны лабораторийн эрхлэгч, геолог эрдэс баялгийн шинжлэх ухааны доктор Кирилл Георгиевич Леви 72 насандаа зуурдаар нас нөгчлөө. Тэрээр эрдэм шинжилгээний 200 орчим бүтээлийн зохиогч, үүний дотор нэгэн сэдэвт зохиол 14, неотектоникийн 8 зураг хэвлүүлжээ. К.Г. Леви нь орчин үеийн геодинамик, неотектоник, нар-дэлхийн судалгааны чиглэлээр Орос-Монголын судлаачдын олон арван хамтарсан судалгааг эхлүүлж, удирдан зохион байгуулснаас гадна манай улсын геофизик, геодинамикийн салбарын боловсон хүчнийг бэлдэх, Орос-Монголын ШУА болон хоёр орны эрдэмтэн судлаачдын хамтын ажиллагааг шинэ шатанд гаргаж өргөжүүлэн хөгжүүлэхэд үнэтэй хувь нэмэр оруулсан эрдэмтэн юм. К.Г. Левигийн Монгол улсын шинжлэх ухаанд оруулсан хувь нэмрийг үнэлж, ШУА-ийн Хубилай хаан дурсгалын медаль, Найрамдал медаль, Алтан гадас одонгоор тус тус шагнаж байсан.
Талийгаачийн эгэл даруу, хөдөлмөрч, найрсаг зан чанар бидний сэтгэл зүрхэнд үүрд дурсагдан үлдэх болно.
ОДОН ОРОН, ГЕОФИЗИКИЙН ХҮРЭЭЛЭН.
Монгол, Оросын хамтарсан олон улсын эрдэм шинжилгээний XII хурал
2018-07-18 15:52:37
Нар ба Дэлхийн холбоо, Байгаль-Монголын бүс нутгийн геодинамик:
хамтарсан судалгааны үр дүн ба шинжлэх ухаан – боловсролын бодлого
(Эрхүүгийн Улсын их сургуулийн 100 жилийн ойд)
ОХУ-ын ШУА-ийн Сибирийн салбарын Дэлхийн царцдасын хүрээлэн (ИЗК СО РАН), ОХУ-ын ШУА-ийн Сибирийн салбарын Нар Дэлхийн физикийн хүрээлэн (ИСЗФ СО РАН), Эрхүүгийн Улсын их сургууль (ИГУ) ба Монгол Улсын ШУА-ийн Одон орон, геофизикийн хүрээлэн (ШУА ООГХ) хамтарч Монгол – Оросын олон улсын эрдэм шинжилгээний Одон орон ба геофизикийн XII хурлыг 2018 оны 10 дугаар сарын 2-4-ны өдрүүдэд зохион байгуулна.
http://agora.guru.ru/rusmong-2018
ШУТСангийн нэрэмжит “SCIENCE CUP - 2018” -ын шилжин явах цомын эздээр Одон орон, геофизикийн хүрээлэнгийнхэн тодорлоо
2018-06-14 11:50:53
Шинжлэх ухаан технологийн сангийн 25 жилийн ойн хүрээнд Монгол улсын Шинжлэх ухааны салбарт ажиллаж буй эрдэмтэн судлаачдын хамтын ажиллагааг сайжруулах, идэвхи санаачлагыг нэмэгдүүлэх, салбарын ажилтны дунд биеийн тамир, спортыг хөгжүүлэх, эрүүл амьдралын хэв маягийг төлөвшүүлэх, олон нийтэд сурталчлахад гол зорилгоор зохион байгуулсан “SCIENCE CUP - 2018” тэмцээнийг 2018 оны 06 сарын 10-нд амжилттай зохион байгууллаа.
Тус тэмцээнд шинжлэх ухааны салбарын 15 байгууллагын 12 багийн тамирчин судлаачид хурд хүч, авхаалж самбаа, цэцэн мэргэнээ сорьж нэг өдрийг спортоор хичээллэж сайхан өнгөрүүллээ.
дэлгэрэнгүй
Одон орон геофизикийн хүрээлэнгийн судлаачид олон улсын хуралд амжилттай оролцоод ирлээ
2018-05-22 08:40:58
БНХАУ-ын Чэнду хотноо 5 дугаар сарын 14-16-ны хооронд БНХАУ-ын Онцгой байдлын яам, Сычуан мужийн Ардын Засгийн газар болон БНХАУ-ын Газар хөдлөлтийн агентлагаас хамтран зохион байгуулсан “Вэнчуаны газар хөдлөлтийн 10 жилийн дурсгал”-д зориулсан олон улсын хуралд амжилттай оролцоод ирлээ. Тус олон улсын хурлыг “Эх газрын газар хөдлөлт-олон улсын IV хурал” болон “Азийн сейсмологийн XII чуулган”-уудыг нэгтгэн зохион байгуулсан нь олон орны судлаачдыг нэг дор цуглуулж, мэдлэг туршлагаа солилцох өргөн боломжийг бүрдүүлж өгснөөрөө өндөр ач холбогдолтой байлаа. Энэхүү хуралд Монгол улсын ШУА-ын ерөнхийлөгч Академич Д.Рэгдэл, Одон орон геофизикийн хүрээлэн(ООГХ)-гийн захирал Профессор С.Дэмбэрэл, тус хүрээлэнгийн Газар хөдлөл судлалын салбар(ГХСС)-ын дарга Доктор М.Өлзийбат, тус салбарын эрдэм шинжилгээний ажилтан Доктор А.Мөнхсайхан, Б.Буянтогтох, М.Дэмбэрэлдулам, Л.Тунгалаг, С.Тогтохбаяр, Л.Дагзинмаа нар оролцож судалгааны ажлын үр дүнгээрээ 4 аман илтгэл, 7 ханын илтгэл хэлэлцүүлсэн.
дэлгэрэнгүй
“ШИНЖЛЭХ УХААНЫ ӨДӨРЛӨГ” ЗОХИОН БАЙГУУЛАГДАНА
2018-03-14 14:25:07
“Шинжлэх ухааны өдөрлөг” зохион байгуулах ажлын удирдамж УДИРДАМЖ
ШУА – ийн Одон орон, геофизикийн хүрээлэн (ООГХ) болон Дархан-Уул аймаг дахь Ургамал, газар тариалангийн сургалт эрдэм шинжилгээний хүрээлэн (УГТСЭШХ) хоорондын хамтын ажиллагааг хөгжүүлэх, эрдэм шинжилгээний хамтарсан уулзалт, семинарыг зохион байгуулах, СБА болон судалгааны багаж тоног төхөөрөмж, лабораториудтай танилцах, ажлын туршлага солилцох, залуу эрдэмтэн судлаачдын хамтын ажиллагааг дэмжих зорилгоор энэхүү шинжлэх ухааны өдөрлөгийг 2018 оны 3 дугаар сарын 16-17 өдрүүдэд зохион байгуулна.
Өмнө нь манай 2 хүрээлэн 2014 онд УГТСЭШХ дээр уулзалт зохион байгуулж байсан билээ.
Өдөрлөгийн ач холбогдол:
- Хүрээлэн хоорондын хамтын ажиллагааг хөгжүүлнэ. ООГХ дээр хийгдэж буй СБА – ын үр дүнгүүд, судалгааны багаж тоног төхөөрөмж, техникийн хүчин чадал, лабораториудыг танилцуулна
- Салбар хоорондын СБА – ыг эхлүүлэх боломжийг судална.
- Залуу судлаачдын эрдэм шинжилгээний хурал, уулзалтыг зохион байгуулна.
- Өдөрлөгийн хүрээнд байгууллага хоорондын спорт соёлын арга хэмжээг хамтран зохион байгуулна.
